billboard

Нууцлаг постеруудын учир тайлагдлаа

Оруулсан огноо: 2022-04-29

Холливуд кино юу? Гадны кино юу? Хэн, хэн ямар кинонд тоглочихов хэмээн олон таамаглал дагуулсан холливуд кино мэт гүйцэтгэлтэй постеруудын учир тайлагдав. Олон нийтийн сүлжээнд хувийн амьдралаа дэлгэдэггүй, зөвхөн ажил хэргийн холбоотой зүйлсээ хуваалцдаг жүжигчин, найруулагч Г.Эрдэнэбилэг лайв хийж нууцаа задаллаа.

Г.Эрдэнэбилэг: “Миний хийж буй Тэгри чину олон ангит киноны зураг алдагдан сошиал орчинд төөрөгдөл үүсгээд байна. Гадаад кино, дотоодын кино хэмээн эргэлзээ үүсэн, эзэн биегүй зургууд маань тарлаа. Бид маш их хөдөлмөр зарж, урт хугацаанд энэхүү төслөө хийсэн. Албан ёсны зураг, постерууд удахгүй цацагдах болно. Та бүхэн киноны нэр байхгүй эзэн биегүй энэхүү зургуудыг устгаж өгөөч. Зохиогчийн эрхийг зөрчин уг зургуудтай үнэртүүлэгч гэх мэт бүтээгдэхүүн хүртэл гаргасан байна. Бидний хөдөлмөрийг хүндэтгэн энэхүү зургуудыг устгаарай. Нэр, устай, эзэнтэй, албан ёсны постеруудаараа та бүхний мэлмийг удахгүй мялаана” хэмээжээ.

 

“Тэгри чину” олон ангит кино нь 5-р сарын сүүлээр VOO-ээр гарах бөгөөд туульсын олон ангит кино хэмээн албан бус эх сурвалжаас мэдээлэл авсан.

Уран бүтээлчдийн их хөдөлмөр заран бүтээсэн олон ангит киног хүлээх л үлдлээ.