billboard

МУГЖ Д.Цэрэндарьзав Холливудын кинонд тоглосон уу?

Оруулсан огноо: 2022-04-24

“Үүр цайхын өмнө”-ийн Д.Сүхбаатарын ээж Ханд, “Гал хам”-ын Жаргал, “Буяны нүгэл”-ийн Дунжаа, “Алтан түлхүүр”-ийн Мөөмөө”, “Хүргэн хүү”-гийн Халтмаа, “Солиот эх”-ийн хадам эх зэрэг тайз, дэлгэцийн олон дүрээрээ бидний сэтгэлд хоногшсон тэрбээр Монгол Улсынхаа төдийгүй ОХУ-ын Буриадын Гавьяат жүжигчин.

Д.Намдагийн “Их авхай” жүжгийн Норжингоор шилдэг дүр, “Эмээ нар гэрлэсэн нь”-ийн Авдотия Петровнагаар “Гоо марал” шагнал хүртсэн Д.Цэрэндарьзав гуайн тоглосон “Хадаг” кино л гэхэд дэлхийн кино наадмаас 50 гаруй шагнал хүртсэн.

Тэрбээр Монголынхоо төдийгүй гадаадын цөөнгүй уран бүтээлд тоглоод буй. Францын уран бүтээлчид Монголд ирж, зураг авалтаа хийсэн “Ер бусын ертөнц ” кинонд удганы дүр бүтээсэн нь олны талархлыг ихэд хүлээсэн билээ.

Тэгвэл өнөөдөр түүний гайхалтай нүүр хувиргалттай нэгэн зураг сошиал ертөнцийг доргиож байна. Түүнийг Холливудын кинонд тоглосон уу? Эсвэл МУГЖ Д.Цэрэндарьзавтай ижил төстэй Казакстаны өөр жүжигчин гэх зэрэг таамаглалууд олон нийтийн сүлжээнд хөвөрч байна. 

Удахгүй ямар кинонд тоглосон нь зарлагдах байх, ямартай ч түүний тоглосон нэгэн сайхан бүтээлийг бид удахгүй дэлгэцнээ үзэх нь ээ