”Галзуу Хурд”-ын наймдугаар анги 2017 онд гарна

Оруулсан огноо: 2015-04-21

Жил бүр зохион байгуулагддаг Америкийн кино урлагийнхны уламжлалт СинемаКон конвенц өнгөрсөн долоо хоногт Лас Вегас хотноо болж өндөрлөлөө. Чуулганы үеэр энэ жилд томоохон амжилт олсон, ирээдүйд театруудын дэлгэцнээ гарахаар төлөвлөгдөж байгаа кинонуудыг үзэгчдэд танилцуулжээ.

 

"Fast & Furious" буюу "Галзуу Хурд" цувралуудын сүүлийн анги болох "Галзуу Хурд 7" нь энэ жилийн ашиг орлогоор тэргүүлж буй киногоор шалгарсан байна. Тус кино нь "Universal Pictures"-ийн бүтээсэн анхны нэг тэрбум ам.доллар давсан орлоготой дэлгэцийн бүтээл болжээ. Гудамжны машин уралдааныг адал явдалтай хослуулсан энэ кино нь 2001 оноос эхлэн үзэгчдийн хүртээл болж байлдан дагуулсаар ирсэн юм.

 

Киноны гол дүрүүдийн нэг Доминик Тореттог бүтээсэн жүжигчин Вин Дизель "Галзуу Хурд" киноны дараагийн анги 2017 онд дэлгэцнээ гарна хэмээн хэлсэн нь конвенцийн санууштай мөчүүдийн нэг байжээ. 4000 гаруй кино театр өмчлөгчид оролцсон энэ үйл ажиллагаан дээр Вин Дизель "Галзуу Хурдын дараачийн анги 2017 оны дөрөвдүгээр сарын 14-нд та бүгдийн дэлгэцнээ толилуулах болно" гэжээ. Одоогоор киноны нэр тодорхойгүй байгаа аж.

 

 

Дизель яриагаа үргэлжлүүлэхдээ хоёр жилийн өмнө СинемаКон дээр дүү "Паблотайгаа" (Пол Уокер) цуг "Fast & Furious 6"-ийн нээлтэд оролцож байснаа эргэн дурссан байна. "Та бүхэн бидэнд үргэлж үнэнч бас биднийг дэмжсээр ирсэнд талархаж явдаг. Та бүхний дэмжлэгтэйгээр бид өөрсдийн хийж чадах хамгийн шилдэг киногоо дэлхийд толилуулдаг" хэмээн жүжигчин хэлжээ.
2013 онд Пол Уокерийг машины ослоор нас барсны дараа "Fast & Furious" цувралууд хэрхэн үргэлжлэх талаар олон үзэгчид гайхширч байжээ. Харин "Furious 7" дээр оролцсон жүжигчин Курт Расселийн "Ноён Хэн ч Биш" дүр нь дараагийн анги дээр Пол Уокерийн оронд том орон зай эзлэх болно гэж Вин Дизель Жимми Киммел Ток шоуд хийсэн ярилцлагын үеэр хэлсэн байна.
"Furious 8"-ийн зураг авалт Нью Иорк хотод болохоор яригдаж байгаа бөгөөд тус кинонд жүжигчин Эва Мендес тагнуулч Фуэнтес дүрээрээ дэлгэцнээ эргэн ирж магадгүй гэж сонирхогчид таамаглаж байгаа юм. "Fast & Furious" цуврал нь зөвхөн Голливудын төдийгүй дэлхийн кино ертөнцөд аль хэдийнээ том байр суурь эзэлсэн учраас "Furious 8" нь тухайн цувралын сүүлийн анги биш байх болно гэж эх сурвалжууд мэдээлсэн байна.

Дизель яриагаа үргэлжлүүлэхдээ хоёр жилийн өмнө СинемаКон дээр дүү "Паблотайгаа" (Пол Уокер) цуг "Fast & Furious 6"-ийн нээлтэд оролцож байснаа эргэн дурссан байна. "Та бүхэн бидэнд үргэлж үнэнч бас биднийг дэмжсээр ирсэнд талархаж явдаг. Та бүхний дэмжлэгтэйгээр бид өөрсдийн хийж чадах хамгийн шилдэг киногоо дэлхийд толилуулдаг" хэмээн жүжигчин хэлжээ.

 

2013 онд Пол Уокерийг машины ослоор нас барсны дараа "Fast & Furious" цувралууд хэрхэн үргэлжлэх талаар олон үзэгчид гайхширч байжээ. Харин "Furious 7" дээр оролцсон жүжигчин Курт Расселийн "Ноён Хэн ч Биш" дүр нь дараагийн анги дээр Пол Уокерийн оронд том орон зай эзлэх болно гэж Вин Дизель Жимми Киммел Ток шоуд хийсэн ярилцлагын үеэр хэлсэн байна.

 

"Furious 8"-ийн зураг авалт Нью Иорк хотод болохоор яригдаж байгаа бөгөөд тус кинонд жүжигчин Эва Мендес тагнуулч Фуэнтес дүрээрээ дэлгэцнээ эргэн ирж магадгүй гэж сонирхогчид таамаглаж байгаа юм. "Fast & Furious" цуврал нь зөвхөн Голливудын төдийгүй дэлхийн кино ертөнцөд аль хэдийнээ том байр суурь эзэлсэн учраас "Furious 8" нь тухайн цувралын сүүлийн анги биш байх болно гэж эх сурвалжууд мэдээлсэн байна.