Энэ долоо хоногийн онцлох сэтгэгдэлүүд

Зарим үйл явдал үнэхээр бодит биш байлаа. Гэхдээ зохиол гэдэг утгаар нь ойлгон хүлээж авбал маш сонирхолтой шинэлэг санаатай гэж хэлж болохуйц юм.

Үнэхээр гоё кино болсон байна аа амжилт

“Гажуудал” Хотоос холгүй сумын төвд нэгэн хэвийн уйтгартай газарт эмнэлэг барьцаалсан гэмт хэргийн талаар харуулсан триллер кино юм. Киног үзэж эхлэхээсээ өмнө хүлээлт өндөр байсан бөгөөд Баатар найруулагчийн өмнөх кино болох “Этгээд”-ийн яг дараачийн бүтээл тул киноны эхнээс л шимтэн үзсэн. Бидний мэддэг сумын төвөөс тэс өөр уур амьсгалтай эзгүй хөдөөгөөр эхэлсэн нь онцлог санагдсан юм. Товчхондоо “Гажуудал”-ийн эхлэл хэсгээс л цөлжсөн хүн малгүй тал дунд хуучны хатуу явдалтай орос машинтай туучиж яваа нь бидний мэддэг хөдөөгөөс тэс өөр уур амьсгалтай харагдаж байгаа боловч танил мэдрэмж өгсөн зураг авалт, өнгө тавилт нь киноныхоо нэрийг улам тодотгож буй мэт. Тус кинонд гарч буй харилцан яриа биеийн хэлмэж тавилт бүр нь ямар ч хэтрүүлэггүй яг л байгаагаараа хангалттай ойлгуулах гэсэн санаагаа нэмж бас хасаад байх нэг ч зүйлгүй яг л байндаа тусгаж байсан нь. Энгийн боловч чамин зохиол дээр нэмэх нь найруулагч, зураглаачийн гайхалтай хамтрал. Илүү дутуу маяггүй орчин үеийн жинхэнэ монгол кино гэж үүнийг л хэлнэ. “Гажуудал” нь логик дараалал гол болон туслах дүрийн яриа ба кино нь дундах монгол ахуйг хүчлэлгүйгээр харуулсан нь цаанаасаа л сэтгэлд ойр. Жишээ нь ‘цагдаагийн шагай орхих хэсэг’ гэх мэт. Мөн киноны амин сүнсийг хадгалсан хамгийн гол үүрэгтэй бидний тусгал гэлтэй туслах дүрүүдийн харилцан яриа. Хэдийгээр монголчууд асар хэрэгтэй зүйлсийн тухай ярьж буй мэт боловч хэрэггүй зүйлсийн талаар тулга тойроод л хоорондоо ярилцаад суудагтай адил цагдаагийн байранд саатуулагдсан дүрүүдээр харуулж байгаа нь найруулагчийн бидэнд хэлэх гэсэн бас нэгэн санаа болов уу. Бяцхан шүүмж магадгүй дүрийн онцлог байж болох л юм гэвч гол дүрийн гэнэт ухаан орж буй мэт гүйж ирдэг болоод зарим нэг хэсгүүд цаанаасаа л худлаа санагдсан гэдгээс бусдаар хэлэх санаагаа бага багаар үйл явдлын зангилааг тайлах бүрээр нь дамжуулан төгсгөл хүртэл ойлгуулж бас харуулсан нь эцэстээ киноны хэлэх гэсэн бүх санааг тархи луу чулуудаж буй мэт. Хэрэггүй дүр гэж ганц байгаагүй нь энэ киног чанартай болгож буй том хүчин зүйл бөгөөд “төр” төлөөлж ирсэн даргыг дагаж ирсэн бүсгүй хүртэл даргыг улам жигшүүрт дүр болгож байгаа нь гайхалтай. Хэрвээ энэ киноноос хэрэггүй ганц л дүр олбол хэзээ ч хамаагүй доор минь бичээрэй. Эцэст нь Монгол киноны хийц чанарыг дахин нэг шатаар ахиулав. Зарим хэсэг дээр хэрэггүй сунжруулж буй мэт сценүүд харагдсан ч үүний араас ирж буй (punch) түгшээм хэсэг нь улам хүчтэйгээр нөлөөлж үйл явдлыг улам сонирхолтой болгож байсныг хэлэх нь зохилтой. Энэ жил нээлтэй хийсэн хамгийн сайн кинонуудын толгойд зүй ёсоор бичигдэх кино яах аргагүй ‘гажуудал’. Гажуудал (2024) - ★★★★☆ (4/5) + Үргэлжлэх хугацаа, сунжруу биш, ойлгомжтой үйл явдал + Цэвэрхэн хийц + Удаан юм шиг боловч уйдамгүй хэсэг + Монгол киноны хэв шинж - Төгсгөлийн диалоги - Арын ая

100% - 80% давгүй кино

Монголийн нийгэмийн үнэн төрх зарим нийгэмийн доод давхаргааны амьдралыг маш эерэг гэхдээ үнэнээр харуулж чадсан маш гоё кино. Кино талаасаа найруулга зохиол бол маш сайн хийцны хувьд үнэхээр шинэлэг байж чадсан онц сайн кино. Монголын кино урлагын түвшинд 1 шат нэмсэн бүтээл

Goyo kino shuu