'Мавериксийн араас'. Залуу хүү Жей Мориарити дэлхий дээрх хамгийн том далайн давалгаа болох домогт Мавериксийн давалгаа нь төрөлх Санта Круз хотоос нь холгүйхэн оршдгийг мэдэж авна. Тэрээр бага байхаасаа давалгаагаар тэшигч буюу серфингчин болохыг мөрөөддөг байсан бөгөөд өөрийгөө чадварлаг серфингчин гэдгийг ч эргэн тойрныхондоо харуулж амжсан байдаг. Мөрөөдлөө биелүүлэхийн тулд залуу хүү нутгийн домог болсон серфингчин Фрости Хессонд шавь орж далайн давалгаан дундаас эсэн мэнд гарч ирэхэд хэрэгтэй бүхнийг заалгадаг. Энэхүү киног бодит явдлаас сэдэвлэн бүтээсэн бөгөөд Жей мөрөөдөлдөө хүрч 16-хан насандаа Мавериксийн давалгаан дээр амжилттай гулгасан гэж түүхэнд бичигдэн үлдэж чаддаг боловч түүнээс хэдхэн жилийн дараа мөн л далайдаа амь тавьсан түүхтэй.