Жаалхүүгийн түүх. 12 настай хүү Маркус Бревер архаг сэтгэлийн дарамтанд орсон ээж Фионатайгаа хамт амьдардаг. Сэтгэлийн хүнд дарамтанд орсон ээжийгээ баярлуулахын тулд юу ч хийхэд бэлэн Маркус хүү өөрөө хүнд байдалд орсон ч хамаагүй гэж үзнэ. Тэрээр сэтгэлээр унах үедээ өөрөө ч мэдэлгүй чангаар дуу аялж орхидог зуршилтай. Харин 38 настай Вилл Фрийман бол нас барсан эцгийнхээ зохиосон дууны ачаар юугаар ч гачигдаж дутагдалгүй амьдарч ирсэн хүн. Тэрээр амьдралдаа нэг ч удаа ажил хийж үзээгүй. Вилл үргэлж өөрийгөө бүхний тэргүүнд тавина. Нэг удаа Вилл ганц бие ээжүүдтэй болзох нь элдэв төвөггүй, чирэгдэл багатай гэж бодов. Ингээд Вилл ганц бие ээжүүдийг ангуучилж яваад Маркустай таарч тэр хүүгээс амьдралын мөн чанарыг суралцана.