Олзлогдогсод. Хөрш зэргэлдээ 2 айлын бага насны охид учир битүүлгээр алга болж хаа нэгтээ олзлогдох үед киноны бусад дүрүүд ч мөн оюун санааны хувьд үзэл бодол, бардам зан, амлалт, сэтгэл хөдлөл, итгэл найдвар, үзэн ядалтандаа олзлогдогсод болох нь илэрхий харагдаж эхэлдэг. Хүмүүс бид зарим талаараа ийн олзлогдогч болсноор хэрхэн чөлөөт сэтгэлгээ, өргөн цар хүрээтэй зөн хараагаа алдаж, илэрхий зүйлсийг анзаардаггүйг уг кино тун өвөрмөц байдлаар харуулсан байна. Үйл явдлын санаанд оромгүй огцом эргэлтүүд, төсөөлшгүй нууцууд ар араасаа хөвөрсөн Америкийн шүүмжлэгчдээс эерэг үнэлгээ авсан гэмт хэрэг, драм, триллер төрлийн кино.