Өмнөд Солонгосын найруулагч Kim Han-min-ний бүтээл 'War of the Arrows' адал явдалт, дайны сэдэвтэй кино 2011 онд дэлгэцэнд гарсан даруйдаа үзэгчдийг байлдан дагуулж дайтах урлагийн гайхамшигийг бишрүүлж байсан билээ. Уг кинонд охин дүүгээ манжуудын гарт алдсан залуу дүүгээ аврахаар тэмцэх бөгөөд киноны туршид нум сумаар тулалдахын гайхамшигыг харуулдаг. Энэ кино Өмнөд Солонгосын 'Grand Bell Awards'-аас 4 төрөлд шагнал хүртсэн бөгөөд киноны хөгжмийн найруулагчаар Kim Tae-sung ажиллажээ. Харин хөгжмийн хэсэгт Монгол оюутан Нямдоржийн Загдсүрэнгийн морин хуурын гурван ч аяз багтсан байна. Үйл явдлын хэсэг бүрийн онцлогыг харуулсан уянгын болоод чөлөөт хэмнэлийн хөгжмүүдийг гайхалтай чадварлагаар тогложээ.