DOZ интертайнментийн бүтээл 'Амьдрах тасалбар' киног Монголд хар тамхины хэрэглээ маш хурдацтай хөгжиж байгаа энэ үед иргэдэд бодит байдлыг дэлгэн харуулах зорилгоор бүтээсэн гэж найруулагч Ш.Доржсүрэн тайлбарлажээ. Уг киног Хууль зүйн яам, Нийслэлийн цагдаагийн газар, Эрүүл мэндийн яам, Мансуурлын эсрэг үндэсний төвтэй хамтран судалгаа хийсний үндсэн дээр бодит амьдралаас сэдэвлэн бүтээсэн бөгөөд нуугдмал байгаа хар тамхины төрлийн бодисын хор уршиг, түүнийг дагасан олон ээдрээт явдлаар өрнөдөг. Хар тамхитай холбоотой асуудлыг хөндөж байгаа учир насанд хүрэгчдэд буюу 16-аас дээш насныханд зориулжээ. Киноны нэрийг яруу найрагч Галсансүхийн мөнгөнд зориулан бичсэн шүлгээс санаа авч өгчээ.