Хүн төрөлхтөний мөнхийн сэдэв болох хайрын тухай өгүүлэх 'Хайрыг хайрла' МУСК-г Төрийн шагналт зохиолч Д.Батбаярын 'Хайрыг хайрла' жүжгээс сэдэвлэн бүтээжээ. Хайр гэдэг ариун нандин зүйлийг хайрлаж амьдрах хэрэгтэй. Хайран дээр тогтсон гэр бүл хамгийн аз жаргалтай байдаг гэдгийг киноны үйл явдал харуулна. 'Хайрыг хайрла' киног 'Zaya-Sh' студи, 'Jiij' продакшныхан хамтран бүтээсэн бол 1986 онд тус зохиолыг найруулагч И.Нямгаваа жүжиг болгон амилуулж гол дүрд нь Ж.Сүххуяг, Н.Долгор нар тоглож байжээ. Хосуудын амьдралд хайрлаж дурлахын хажуугаар хааяа нэг маргалдах үе байх ч тэр бүхнийг тэвчээд өнгөрөөх сэтгэлийн тэнхээ, холч ухаан бодол хэрэгтэй байдаг юм гэдгийг харуулсан 'Хайрыг хайрла' киногоо хүлээн авч үзээрэй.