Өмнө нь ЭМЯ-ны дэд сайд Сэржид гэгчийн туслахаар ажиллаж байсан Эрбол хууль хяналтын хараанаас нуугдаж, өөрийгөө нийгмээс тусгаарлан хоёр жил гаран бүгж буй. Энэ хугацаанд өргөсөн эцэг доктор Гантулга нь хэд хэдэн улсын эрдэмтэдтэй нийлж хүн төрөлхтний эсрэг гэмт хэрэг хийсэн хэмээн олон улсын шүүхээр хэрэг нь таслагдахаа хүлээн хоригдож байгаа юм. Эцэг Гантулга нь өөрийн улсын эрүүл мэндийн салбарын нөлөө бүхий албан тушаалтнуудтай дээрх хэргийг хавсайдан хийсэн ч гэм буруу нь зөвхөн түүнд оногдсон юм. Ингээд Эрбол эцэгтэй нь хамт ажиллаж байсан ч уснаас хуурай гарсан хүмүүсээс өшөө авахаар бэлдэнэ. Түүнийг аллага төлөвлөж байх үес мөнхийн хэрүүлтэй байдаг дээд айлынх нь залуу амиа хорлож эхнэр нь бэлэвсэрч үлддэг. Нуугдаж буй эр, бэлэвсэн эхнэр хоёр ямархан сэжмээр холбогдох бол…