Хоккейн ертөнцөд домог мэт яригдсаар ирсэн цуут тамирчин Валерий Харламовын намтар, түүхээс сэдэвлэсэн 'Домог - 17' уран сайхны киног та бүхний мэлмийд хүргэж байна. Кинонд Оросуудын хоккейг дэлхийн тавцанд гаргаж, үүрд мөнхлөн үлдээсэн домогт тамирчны бага насны амьдрал болоод өсвөр нас, идэр үе мөн хэрхэн хоккейн оргилд гарсан замнал болоод хорвоогоос явсан учир битүүлэг түүхийг нь ч өгүүлэх болно. Энэхүү бүтээл нь тухайн ЗХУ-ын нийгмийн дүр төрх, спортын хөгжил, улстөр гээд бүгдийг нүдэнд харагдтал тусган харуулсан байдгаараа зөвхөн спорт сонирхогчдод зориулагдсан төдийгүй нийт кино сонирхогчдын амьдралдаа заавал үзэх ёстой кинонуудын жагсаалтанд багтах учиртай агуу бүтээл гэж кино шүүмжлэгчид үздэг юм.