2011 онд Awards of the Japanese Academy-аас Шилдэг Анимейшнээр шалгарч, мөн дараа жилдээ Golden Trailer Awards-ийн гурван төрөлд шагнал хүртсэн дэлгэцийн шилдэг бүтээл 'The Secret World of Arrietty' киног Mary Norton-ны The Borrowers хүүхдийн романаас сэдэвлэн бүтээжээ. Энэ кинонд дөрвөн инч өндөртэй бяцхан хүмүүсийн тухай үзүүлдэг. Хуруун чинээ биетэй Ариетти охин удахгүй 14 нас хүрнэ. Тиймээс аав нь түүнийг дагуулан аварга биетнүүдийн ертөнцөөс гэртээ хүнсний зүйл авчрахаар явдаг. Аварга биетнүүд гэж энгийн хүмүүс л дээ... Ариеттигийн аавтайгаа хамт явсан анхны аялал адал явдлаар дүүрэн байсан ч бяцхан гүнж маань бүтэлгүйтэж санасан хэргээ гүйцэтдүүлж чадалгүй гэртээ эргэн ирдэг. Гэвч тэрээр өөрийн алдаагаа залруулахын тулд дараагийн аялалд ганцаараа явах болно...