Крүүдийн гэр бүл. Эрт балар цагийн хүмүүс гэхээр л бид ихэвчлэн хар, цагаан, зэрлэг бүдүүлэг, хэл яриа муутай байдлаар төсөөлж ирсэн шүү дээ. Тэгвэл та бүхэндээ 2013 оны шинэ бүтээл, агуйн хүмүүсийн талаарх нэгэн хөгжилтэй бөгөөд өнгөлөг хүүхэлдэйн киног хүргэж байна. Галавын өмнөх дэлхийн хамгийн анхны гэр бүлүүдийн нэг болох тун ч хөгжилтэй, найрсаг Крүүдийн гэр бүлийн адал явдлын тухай энд өгүүлнэ. Амар жимэр амьдарч байсан тэдний хувьд гэнэтийн газар хөдлөлт тохиосон нь аргагүйн эрхэнд өөрсдийн амьдардаг жижигхэн ертөнцөө орхиход хүргэнэ. Хэдий удаан амьдарсан газраа орхиход амаргүй байсан ч хорвоо дэлхий уудам, байгаль ертөнц баялаг учраас тэд шинэ гэрээ олохоор төсөөлшгүй гэнэтийн адал явдлаар дүүрэн, дахин давтагдашгүй аялалдаа гарах болдог. Мэдээж Крүүдийн гэр бүлийн аялал аз жаргалтайгаар төгсөх болно.