'Хайр ба нэр төр. 1969 он. Аполло 11 хөлөг сансрын уудам руу хөөрч саран дээр хүний мөр гаргах гэж байх үед Далтон Жойнер нарын цэрэг эрс Вьетнамын дайнд хэзээ үхэхээ мэдэхгүй тулалдаж явна. Жойнер харьцаагаа таслахыг хүссэн найз бүсгүйгээ өөртөө эргүүлэн татахын тулд 7 хоногийн амралтаараа сайн анд Врайтын хамт зөвшөөрөл авалгүй нутаг буцдаг. Гэвч Жойнерын найз бүсгүй өөр залуутай болсон байх бөгөөд харин Врайт шинэ дурлалтайгаа учрах болно. Вьетнам дахь дайныг эсэргүүцсэн олны анхаарлыг сарниулах гэж Аполло 11 хөлгийн аялалыг хэтэрхий сүр бадрааж сурталчилж байсан тухай энд битүүхэн өгүүлэх бөгөөд энэ дайн нь цэрэг эрс, дурлалт хосууд, энгийн ард түмэнд хэрхэн нөлөөлж байсныг сонирхолтойгоор өгүүлсэн байдаг.