Нийслэлийн жирийн сургуулийн хөл бөмбөг тоглох дуртай дөрвөн найз хөвгүүд хамт тоглодог бусад найзуудаа уриалан өсвөрийн хөл бөмбөгийн тэмцээнд оролцохоор зориг шулуудна. Тэмцээнд орохын тулд тэдэнд бүртгэлийн хураамжаа төлж, мандатаа авах мөнгө хэрэгтэй байв. Хүүхдүүд гэрийнхнээсээ гуйхад зөвшөөрсөн тул мөнгөө цуглуулаад бүртгүүлэхээр явж байхдаа спорт барааны дэлгүүрт байсан маш гоё бөмбөгийг шохоорхож байгаад мөнгөтэй цүнхээ мартаж явснаар мөнгөө алга болгоно. Тэмцээнд орох хүсэл дээрээс нь багийнхаа бүх хүүхдүүдийн цуглуулсан мөнгийг алга болгосон дөрвөн найз ямар ч байсан мөнгө олохын тулд ажил хийхээр шийднэ. Хичнээн их хайсны эцэст арайхийн нэг танил ахдаа ачаа зөөхөд нь тусалж мөнгөө олж аваад бүртгүүлэхээр явах замдаа өнөөх дэлгүүрийн бөмбөгийг авахаар шийдсэн нь дахин нэг адал явдалд учруулна.