Киноны агуулга
Компанийн захирал болох өндөр боловсролтой царайлаг залуу, мөн гадаадад төрж өссөн гэх түүний гэргий амьдралын их сонин зуршилтай улс. Гэр бүлийн халуун дулаан уур амьсгал, хайр халамж, бие биеэ ойлгож уучлах, хардаж харамлах сэтгэл гээчийг ер мэдэрч амжаагүй явсаар даруй таван жилийн нүүрийг үзсэн залуу хос нэг л өдөр салах шийдвэр гаргажээ. Харин энэ бүхэнд тэдний эцэг нь ихэд бухимдаж жинхэнэ 'ТАГНУУЛЧ ААВ'-ын гайхалтай төлөвлөгөөг боловсруулдаг. Бүтэлгүй залуусын будилаан, залуу хосын амьдрал санаанд оромгүй байдлаар эргэн, урьд нь хэзээ ч төсөөлж байгаагүй цоо шинэ өнгө төрх, сонирхолтой үйл явдал ар араасаа ундрах нь тэр. Хошин урлагийн олонд хүндлэгдсэн жүжигчид өөрийн хүүхдүүдтэйгээ уг кинонд тогложээ. Эцэг эх үр хүүхдээ хайрлах хайр, хүний амьдралын хамгийн хайрламаар нэгэн зүйл бол гэр бүл юм гэдэг санааг та киноноос үзэх болно.