Киноны агуулга
Зовж олсон мөнгө тосон мөртэй Зольж олсон мөнгө цусан мөртэй. 10 жил ял эдлэсэн Данс хочит Хонгор, жижиг гарын хулгайч Огурцы нар нэг өдөр шоронгоос суллагдана. Дансыг тосохоор ирсэн нэгдэх хүн нь улс төрч, засгийн газрын гишүүн Хүзүү. Тэр бол ажил хэргээ нэлээд бохир аргаар явуулдаг нэгэн бөгөөд Данс түүний буянаар шоронд суужээ. Нөгөө нь Хавх хэмээх дүнсгэр хархүн. Дансыг шоронд байх хугацаанд түүнд үнэнч хэвээр байж, гэр орон, хөрөнгө хогшлыг нь харж хандаж ирсэн нэгэн. Данс Хүзүү хоёрын уулзалт сайхан болсонгүй. Хавхтай хамт явж одсон Дансын хойноос Хүзүү бууны нохдоо илгээнэ.