Сайн уу амьдрал минь 2 МУСК (2016)

Сайн уу амьдрал минь 2 МУСК (2016)
  • Та үнэлгээ өгнө үү:
  • Үзэгчийн үнэлгээ:
    6.15
  • Судлаачын үнэлгээ:
    Мэдээлэл ороогүй байна.

Киноны агуулга

“Залуу насны чимэг бол хайр дурлал, хүнлэг сэтгэл, эрдэм мэдлэг юм” гэсэн уриатай бүтээгдсэн “САЙН УУ АМЬДРАЛ МИНЬ 2” УСК нь 2016 оны шинэ монгол залуусын амьдрал, хэв маяг, хүсэл мөрөөдлийн тухай өгүүлэх гурван бүлгээс бүрдэнэ. Энэхүү гурван бүлэг тус бүр өөр өөрийн түүх, өнгө төрх, ялгагдах бөгөөд хоорондоо луйврын хонгил хийцээр холбогдоно. I-р бүлэг дурлалт, II-р бүлэг инээдэм, III-р бүлэг уянгын гэсэн гурван өөр төрлөөр бүтээгдсэн. Бүлэг “Татах хүчнээс ангид” хэсэгт Оргил хамгаас их хайртай байсан Ичкод хаягдаж сэтгэлийн хүнд шарх авна. Түүний энэ хүнд үед нь Марал хэмээх охин гарч ирснээр Ичкогоос өшөө авах төлөвлөгөө зохионо. Марал Оргил нар бага багаар хоёр биедээ дурласнаар өшөө авах төлөвлөгөө тасалдаж жинхэнэ хайрын түүх өрнөж эхэлнэ. Тэд хэн хэндээ татагдан хайр гэж юу болохыг ойлгоцгоов. Гэвч тэдний эхлүүлсэн өшөө авах төлөвлөгөө саад болж тэд салахаас өөр аргагүй болов. Жинхэнэ хайрыг нэгэнт олсон залуус бүхнийг ахин шинээр эхлүүлж чаддаг. Бүлэг “Долоон дэлбээт цэцэг” хэсэгт хөдөөнөөс сурахаар ирсэн Сэлэнгээ өөрийн багын найз Солонгоог хотод ирэхийг ятган авчирна. Солонгоо анх удаа хотод ирж байгаа тул бүхнийг гайхаж Сэлэнгээгийн хэрхэн эвдэрснийг мэднэ. Гэтэл тэд гудамжинд хүнд зодуулж байсан нэгэн эмэгтэйд тусалсан нь ид шидтэн байв. Тэрхүү шидтэн хоёр охинд долоон хүслийг биелүүлдэг долоон дэлбээт цэцэг өгснөөр тэдний амьдрал орвонгоороо эргэж эхэлнэ. Солонгоо, Сэлэнгээ нар зургаан дэлбээгээ дэмий шахам үрж үүнээс болоод муудалцана. Тэд ингэж муудалцаад хэн хэндээ ямар эрхэм хүмүүс гэдгээ ухаарав. Ингээд найзууд эргэн нэгдэж үлдсэн нэг дэлбээгээ хүнд туслахад зориулахаар шийддэг. Бүлэг “Мөнгөн хонхны дууль” хэсэгт Баяраа ээж Золоогийн хамт ядуу тарчиг амьдардаг. Тэр баян айлын хүүхдүүдтэй найзалдаг тул ядуу тарчиг амьдралдаа бухимдаж үүнд ээжийгээ буруутгаж эхэлнэ. Амар хялбар аргаар мөнгө олох хүсэлд автан сургууль, найзууд, ээжийгээ орхин муу хүмүүстэй нийлж эхэлнэ. Гэвч энэ хорвоод үнэгүй юм байдаггүй тул өөрийнх нь сонгосон зам буруу гэдгийг ойлгож эхэлдэг. Баяраа ээж, багш, найзуудаасаа уучлалт гуйн бүх алдаагаа засан сургуулиа амжилттай төгсөв.

Жүжигчид

Танилцуулга үзэх

Төстэй кинонууд